బ్రహ్మ కడిగిన పాదము సాహిత్యం...
పల్లవి:
బ్రహ్మ కడిగిన పాదము
బ్రహ్మము తానెని పాదము
చరణం:
చెలగి వసుధ కొలిచిన నీ పాదము - బలి తల మోపిన పాదము
తలకగ గగనము తన్నిన పాదము - బలరిపు గాచిన పాదము
కామిని పాపము కడిగిన పాదము - పాము తలనిడిన పాదము
ప్రేమతో శ్రీ సతి పిసికెడి పాదము - పామిడి తురగపు పాదము
పరమ యోగులకు పరిపరి విధముల - పరమొసగెడి నీ పాదము
తిరువేంకట గిరి తిరమని చూపిన - పరమ పాదము నీ పాదము
No comments:
Post a Comment